03.2012 ~ Ağsu rayon

31 Mart “Ağsu qırğını:Erməni vəhşiliyi”

30 Mart 2012-ci il tarixdə rayon Mərkəzi kitabxanasında Azərbaycanlıların soyqrım günü ilə əlaqədar “Ağsu qırğını:Erməni vəhşiliyi” mövzusunda tədbir keçirildi.

Tədbirdə rayonun soyqrımına məruz qalmış Ağsu şəhəri, Kalva, Dilman, Xatman, Suraxanı, Gürcüvan, Ağabəyli, Qaravəlli, Çaparlı, Nuran, Nüydü, Qəşəd və Bico kəndlərinin ziyalıları və fəal oxucular iştirak edirdi.Tədbiri giriş sözü ilə açan rayon MKS-nin direktoru C.Bədəlov 31 Mart –Azərbaycanlıların soyqrım günü ilə əlaqədar tədbir iştirakçılarına məlumat verdi.Həmin günlə əlaqədar prezident Sərəncamı,bu münasibətlə respublikada keçirilən tədbirlər,o cümlədən rayonumuzda keçirilən tədbirlər haqqında danışdı.Tədbirdə Dilman kəndindən Robert Səbzəliyev,Bico kəndindən Yaşar Qarayev və Gəgəli kəndində Mətləb Nuriyev çıxış etdilər.Tədbirin sonunda yığıncaq iştirakçıları bu mövzuda təşkil olunmuş sərgi ilə tanış oldular.

31 Mart Soyqırım - Sənədli Film Tarixin bir günü və ya bir günün tarixi

Ağsu rayon Mərkəzləşdirilmiş Kitabxana Sistemi'nin web saytında Elektron kataloq istifadəyə verildi.

Kitabxanaların əsas vəzifəsi olan oxuculara xidmət oxucu sorğusu əsasında yerinə yetirilir və bu xidmətin səviyyəsindən kitabxananın cəmiyyətdəki imici və oxucu kontingentinin əhatə dairəsi asılıdır. Kitabxanalarda oxuculara yüksək xidməti təşkil etmək üçün ilk öncə oxucuların ədəbiyyatı əldə etmək üçün sərf etdikləri vaxtı minimuma endirmək lazımdır. Ənənəvi kitabxanalarda , oxucu ədəbiyyatı sifariş vermək üçün kataloq qarşısında xeyli vaxt sərf etməlidir. Kataloq kitab fondunun cari vəziyyətini 100% dəqiqliklə əks etdirmədiyindən oxucunun sifariş verdiyi ədəbiyyatı əldə etmək ehtimalı o qədər də böyük olmur. Belə ki, kataloq ədəbiyyat ın hərəkətini əks etdirmədiyindən, sifariş olunan ədəbiyyat ın cari anda sərbəst nüsxəsi kitabxanada olmadıqda sərf olunan vaxtın hədər olduğu aşkar olur. Kitabxanan ın elektron kataloqu oxuculara tələb olunan ədəbiyyat ın qısa müddətdə kitabxanada olması haqqında də qiq məlumat əldə etməsini təmin edir. Elektron kataloq ədəbiyyat fondu haqqında ənənəvi kataloqlardan daha dolğun biblioqrafik məlumata malik olduğundan, oxucuya çoxelementli və çoxsəviyyəli axtarış imkanları təklif edir. Bunun nəticəsində ədəbiyyatın oxucuya çatmaq ehtimalı xeyli artır. Digər tərəfdən, oxucu elektron kataloq vasitəsilə uzaq məsafədən ədəbiyyat axtarıb, sifari ş verə bilir. Qeyri-məhdud sayda oxucunun, eyni vaxtda elektron kataloqda biblioqrafik təsvirin bütün əsas elementləri üzrə axtarış aparmaq, kitabxanada olan ədəbiyyatı sifariş etmək üçün hər bir Avtomatla şmış Kitabxana-İnformasiya Sistemində xüsusi Avtomatla şmış İşçi Yerləri nəzərdə tutulmuşdur. İRBİS Avtomatlaşmış Kitabxana- İnformasiya Sistemində lokal şəbəkə vasitəsilə elektron kataloqda ədəbiyyat axtarmaq və kitabxanada sərbəst nüsxəsi olan ədəbiyyatı sifariş verm ək üçün «Oxucu» Avtomatlaşmış İşçi Yeri, İnternet Beyn əlxalq kompüter-informasiya şəbəkəsi vasitəsilə uzaq məsafədən on-line ədəbiyyat axtarışı üçün Web-IRBIS modulu nəzərdə tutulmuşdur.

Xələfov A., Qurbanov A.
Kitabxanaların kompüterləşdirilməsinin əsasları (dərslik). Bakı, Bakı Universiteti , 2006
<<Kitabı oxu>>

Novruz

19 Mart 2012-ci il tarixdə Ağsu şəhər stadionunda Novruz şənlikləri keçirildi.
Stadion başdan-başa Novruz atributları: səmənilərlə,xonçalarla bəzədilmiş,şənliyə Bahar qız, keçəl və kosa da dəvət olunmuşdu.Şənlikdə rayon ictimaiyyəti, rayon mədəniyyət evinin “Qönçə” xalq çalğı alətləri ansamblı,Bakı şəhərindən dəvət olunmuş tanınmış müğənnilər Rəqsanə, Ruhəngiz Allahverdiyeva ,xalq ulduzları, rayon aşıqları ,kəndirbazlar, gözbağlıcılar və idmançılar iştirak edirdi.Stadionun bir tərəfində tədbir iştirakçıları Mərkəzi kitabxananın təşkil etdiyi yeni kitabların sərgisi ilə tanış oldular.Sərgiyə baxan körpə balalara uşaq jurnalları hədiyyə edildi. Maraqlı keçən bayram şənliklərinin sonunda tədbir iştirakçıları bayram atəşfəşanlığını seyr etdilər. Bayram şənlikləri rayonda təzə istifadəyə verilmiş parklarda 20-21 Mart 2012-ci il tarixlərində də davam etdirildi.

Aşıq Şakir-90

Aşıq Şakir-90

15 Mart 2012-ci il tarixdə şəhər Mədəniyyət sarayında Aşıq Şakir Hacıyevin 90 illik yubileyi keçirildi.Tədbir AMEA N.Gəncəvi adına Milli Azərbaycan Ədəbiyyatı Muzeyinin Aran Regional şöbəsinin və Ağsu rayon İcra Hakimiyyətinin təşkilati dəstəyi ilə həyata keçirildi.Yubileydə Milli Məclisin deputatı Ə.Cavadov, akademik V.Məmmədəliyev, professor N.Şəmsizadə, professor S.Qəniyev, AMEA-nin filologiya institutunun şöbə müdiri E.Məmmədli, xanəndə, xalq artisti Mələkxanım Eyyubova, əməkdar mədəniyyət işçisi ,Şirvan Aşıqlar birliyinin sədri Aşıq Ağamurad Mərzəngəli,əməkdar mədəniyyət işçisi ,dosent Aşıq Əhliman, xanəndə ,III Muğam müsabiqəsinin qalibi Mirələm Mirələmov,Aşıq Məhəmməd Şirvani , Aşıq Şakirin övladları və nəvəsi Aşıq Babək Şakirli iştirak edirdi.Tədbir iştirakçıları əvvəlcə Uşaq Gənclər Bədii Yaradıcılıq Mərkəzində Aşıq Şakir Hacıyevin otağına baxış keçirdilər.Heydər Əliyev abidəsinə gülqoyma mərasimindən sonra AMEA N.Gəncəvi adına Milli Azərbaycan Ədəbiyyatı Muzeyinin direktoru , AMEA- nin müxbir üzvü ,professor Rafael Hüseynovun aparıcılığı ilə tədbir başladı.Tədbir Aşıq Şakirin ifasında “Şirvan şikəstəsi” ilə bağlandı.

Bayramınız mübarək, əziz qadınlar!

06 Mart 2012-ci il tarixdə Uşaq Gənclər Bədii Yaradıcılıq Mərkəzində Bozavand,
Yenilik, Muradlı, Qaraqoyunlu və İlxıçı kənd mədəni -maarif müəssisələrinin işçiləri 8 Mart Beynəlxalq Qadınlar bayramı ilə əlaqədar tədbir keçirdilər. Tədbirə ayrı-ayrı idarə və təşkilatların və mədəni maarif müəssisələrinin işçiləri dəvət olunmuşdu. Şənlikdə bayramla əlaqədar şerlər ,mahnılar, kiçik səhnə əsərləri və yumoristik səhnəciklər səsləndirildi. Tədbirin sonunda bir qrup qadına bayram hədiyyələri təqdim olundu.