.
"Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir" H.Ə.Əliyev

Azərbaycan Xalq Cümhuriyyəti - 94

28 May 2012-ci il tarixdə rayon Mədəniyyət evinin “Qönçə” xalq çalğı alətləri ansamblı Heydər Əliyev parkında rayon əhalisi qarşısında Respublika Gününə həsr olunmuş konsert proqramı ilə çıxış etdilər. Konsertdə Kamil Ağayev, Samir Ağsulu, Əzizağa Əzizov, Gülnarə Bəndəliyeva, Mirnağı Hüseynov, Ağakişi Səfərov, Arif Əkbərov, Əlsahab və Səyyarə Kərimovalar gözəl mahnıları ilə tamaşaçıların ürəyini oxşadılar.




28 May- Müstəqilliyimiz əbədi və dönməzdir.

26 May 2012-ci il tarixdə Mərkəzi kitabxanada Respublika Günü ilə əlaqədar tədbir keçirildi.Tədbirə kənd kitabxana filialının işçiləri,rayon təşkilatları və fəal oxucular dəvət olunmuşdu.Tədbirdə Ərəbuşağı kənd kitabxana filialının müdiri Nailə Fərəcova, Qəşəd kənd kitabxana filialının işçisi Kifayət Ağaməhəmmədova, Göy-dəlləkli kənd klubunun işçisi Salman Salmanov, İlxıçı kənd kitabxana filialının işçisi Rasimə Rəhimova, Bozavand kənd klubunun müdiri Mirvari Nəsibova, Mərkəzi kitabxananın Uşaq şöbəsinin multimedia mütəxəssisi Nuranə Həbibova və başqaları çıxış etdilər.Tədbirin sonunda iştirakçılar Respublika Günü ilə əlaqədar təşkil olumuş kitab sərgisinə və ulu öndər Heydər Əliyevin həyat və fəaliyyətinə həsr olunmuş “Mən fəxr edirəm ki, azərbaycanlıyam” CD diskinə baxdılar.






Vətəndaş şair

25 May 2012-ci il tarixdə Mərkəzi kitabxanada M.Ə.Sabirin anadan olmasının 150 illiyinə həsr olunmuş tədbir keçirildi. Tədbirə rayon ziyalıları, müxtəlif idarə və təşkilatlardan nümayəndələr, fəal oxucular dəvət olunmuşdu. Tədbiri giriş sözü ilə Mərkəzi kitabxananın Uşaq şöbəsinin müdiri Ülkər Hacıyeva açaraq M.Ə.Sabir yaradıcılığı haqqında məlumat verdi. Dilman kənd klubunun müdiri Behbud İsgəndərov şairin satirası, onun müasir dövrlə səslənməsindən danışdı. Cəlayir kənd tam orta məktəbinin ədəbiyyat müəllimi Qulaş Mirzəliyev M.Ə.Sabirin uşaq şeirləri, sözlərinə bəstələnmiş musiqi, əsərlərinə çəkilmiş karikaturalar haqqında danışdı. Fəal oxucu Eyvaz Bayramov şairin bir neçə şeirini təhlil etdi. Kitabxana biblioqrafiya proseslərinin avtomatlaşdırılması şöbəsinin işçisi Samir Kərimli M.Ə.Sabir haqqında yazılmış elmi-tədqiqat əsərləri barədə tədbir iştirakçılarına məlumat verdi. Tədbirin sonunda tədbir iştirakçıları M.Ə.Sabir yaradıcılığına həsr olunmuş kitab sərgisinə baxdılar.




Sən elə bir zirvəsən ki...

10 May 2012-ci il tarixdə rayonun mədəni maarif işçiləri Uşaq Gənclər Bədii Yaradıcılıq Mərkəzində ümummilli lider Heydər Əliyevin anadan olmasının 89 illiyinə həsr olunmuş “Sən elə bir zirvəsən ki...” mövzusunda ədəbi-bədii kompozisiya göstərdilər.Tədbiri aparan Gürcüvan kənd klubunun müdiri Ə.Məmmədov yubileylə əlaqədar rayonumuzda görülən işlərdən danışdı və məruzə üçün sözü Mərkəzi kitabxananın Abonoment şöbəsinin müdiri Z.Məmmədova verdi.Məruzə ətrafında rayon Mərkəzi kitabxananın Uşaq şöbəsinin müdiri Ü.Hacıyeva, Metodika şöbəsinin metodisti L.Əfəndiyeva, Bozavand kənd klubunun müdiri V.Kazımov və Göydəlləkli kənd klubunun müdiri S.Kərimova çıxış etdilər.Bədii hissədə kənd müəssisələrinin yubileylə əlaqədar hazırladığı sənəciklər göstərildilər.Sonda tədbir iştirakçıları Heydər Əliyev parkında ulu öndərin abidəsini ziyarət edib qarşısına tər gül dəstələri qoydular.





Qələbə-67.

08 May 2012-ci il tarixdə Mərkəzi kitabxanada mədəniyyət işçilərinin alman faşizmi üzərində Qələbənin 67-ci ildönümünə həsr olunmuş ümumi yığıncağı keçirildi.Yığncağa ayrı-ayrı idarə və təşkilatlardan nümayəndələr və müharibə veteranları dəvət olunmuşdu.Yığıncağı giriş sözü ilə açan MKS-nin direktoru C.A.Bədəlov Azərbaycan Respublikası Prezidentinin 2009-cu il 22 İyun tarixli "1945-ci illər müharibəsində Qələbənin 65 illik yubileyinə hazırlıq və yubileyin qeyd edilməsi üzrə Milli Proqram”a uyğun olaraq Qələbənin 67 illiyinin MKS-nin bütün kitabxana filiallarında qeyd edilməsindən danışdı. Qələbənin 67 illiyi ilə əlaqıdar əsas məruzə ilə çıxış edən rayon Mərkəzi kitabxanasının Xidmət şöbəsinin müdiri N.Salmanova Qələbənin 67 illiyinin qeyd edilməsinin müharibə şəraitində olan Azərbaycan üçün xüsusilə böyük əhəmiyyəti olduğunu vurğuladı.Belə ki,bu müharibədə bütün xalqlar kimi azərbaycan xalqı da böyük itkilər vermiş,neçə-neçə oğul və qızlarını itirmişdir.Bu dəhşətl müharibədə neçə-neçə vətən övladı misilsiz qəhrəmanlıq göstərmiş,Sovet İttifaqı Qəhrəmanı kimi yüksək ada layiq görülmüşdür.Onların bu qəhrəmanlığı nəticəsində bəşəriyyət faşizm taunundan xilas olmuş,qəhrəmanlıqları ilə millətimizi dünyada tanıtmışlar.Məruzə ətrafında çıxış edən rayon Mədəniyyət evinin direktoru M.Məlikov vurğuladı ki,gənclərin hərbi-vətənpərvərlik tərbiyəsində belə tədbirlərin rolu böyük olduğundan vətən müharibəsi veteranları ilə görüşlərin təşkili,hərb tariximizin gənclərə öyrədilməsi işimizdə poritet məsələlərdən biri olmalıdır. 28 nəfər müharibə veteranının qaldığı rayonumuzda veteranlara daim qayğı göstərilir,onların həyat və məişət şəraitinin ,sağlamlığının qayğısına qalınır.Yığıncaqda çıxış edən Ə.Əzizov, Q.Mirzəliyev, P.Cavadov və başqaları da əsası ulu öndər Heydər Əliyev tərəfindən qoyulmuş və Azərbaycan prezidenti İlham Əliyev tərəfindən davam etdirilən böyük vətən müharibəsi veteranlarına və onların ailə üzvlərinə qayğdan danışdılar ,bu diqqət və qayğıya görə ona dərin minnətdarlıqlarını bildirdilər.Tədbirin sonunda yığıncaq iştirakçıları böyük vətən müharibəsində həlak olanların xatirəsinə ucaldılmış “Qəhrəmanlıq abidəsi”ni ziyarət etdilər.




Şuşasız 20 il.

07 May 2012-ci il tarixdə Mərkəzi kitabxanada Şuşanın ermənilər tərəfindən işğalının 20-ci ildönümünün anım mərasimi keçirildi.Tədbirə rayon ziyalıları,fəal oxucular dəvət olunmuşdu.Tədbiri giriş sözü ilə açan Oxu zalının müdiri N.Niftaliyeva vurğuladı ki,bu qədim, zəngin tarixə və mədəniyyətə malik şəhərin Ermənistan Silahlı Qüvvələri tərəfindən ələ keçirilməsi ilə Dağlıq Qarabağın işğalı başa çatıb.Bununla, ermənilər bölgənin Azərbaycandan faktiki qoparılmasına nail olublar. Şuşanın işğalı nəticəsində 480 günahsız vətəndaş qətlə yetirilib,600 nəfər yaralanıb,22 min nəfər öz yurdundan didərgin düşüb.İşğal nəticəsində Şuşadakı bir sıra tarix-mədəniyyət abidələri düşmən tərəfindən talan edilib.Bu siyahıya Xan mağarası,Qaxal mağarası,Şuşa qalası da daxil olmaqla bütövlükdə 279 dini,tarixi və mədəni abidə daxildir.Mərasimdə çıxış edə Təhsil şöbəsinin metodisti M.Nuriyev ermənilər tərəfindən Azərbaycana məxsus olan bir çox abidələrin məhv edilməsindən və erməniləşdirilməsindən söz açdı.Vurğuladı ki,ermənilər Şuşada 7 məktəbəqədər uşaq müəssisəsini,22 ümumtəhsil məktəbini,mədəni-maarif,kənd təsərrüfatı texnikumlarını,8 mədəniyyət evini,14 klubu,20 kitabxananı,2 kinoteatrı,3 muzeyi,Şərq musiqi alətləri fabrikini dağıdıblar.Anım mərasimində çıxış edən Bico kənd sakini S.Mikayılova, Qaravəlli kənd sakini V.Hüseynov, abidə mühafizəçisi P.Osmanov Azərbaycan Respublikası Prezidenti cənab İlham Əliyevin apardığı uğurlu siyasət nəticəsində torpaqlarımızın tezliklə işğaldan azad ediləcəyini əmin olduqlarını bildirdilər.Sonda tədbir iştirakçıları Şuşaya həsr olunmuş kitab sərgisi ilə tanış oldular.



Ağsuda Arxeoloji tapıntılar.

Ağsu şəhəri Məscid yaxınlığındakı qazıntı.








Ağsu rayon Kəlağaylı kəndindəki qazıntı.











Mən fəxr edirəm ki, Azərbaycanlıyam!

08 May 2012-ci il tarixdə Mərkəzi kitabxananın Uşaq şöbəsində ulu öndər Heydər Əliyevin anadan olmasının 89-cu ildönümü ilə əlaqədar tədbir keçirildi. Tədbirə şəhər 1 və 3 saylı tam orta məktəbin şagirdləri dəvət olunmuşdu. 7-ci sinif şagirdləri Natiq Nuriyev, Səmədli Cavid, Lamiyə Ağayeva və Vəzirli Xəlil ulu öndər Heydər Əliyevə həsr olunmuş şeirlər söylədilər. Bundan sonra uşaqlar Heydər Əliyevin həyat və fəaliyyətinə həsr olunmuş “Mən fəxr edirəm ki, Azərbaycanlıyam” CD diskinə baxdılar.



Biz Sizdən öyrəndik qəhrəmanlığı.

04 May 2012-ci il tarixdə Mərkəzi kitabxananın Uşaq şöbəsində Alman faşizmi üzərində Qələbənin 67-ci ildönümü ilə əlaqədar tədbir keçirildi. Tədbirdə şəhər 1 saylı tam orta məktəbin şagirdləri iştirak edirdi. Mərkəzi kitabxananın Uşaq şöbəsinin müdiri Ülkər Hacıyeva Qələbənin 67-ci ildönümü ilə əlaqədar şagirdlərə məlumat verdi. Bundan sonra 10-cu sinif şagirdi Aidə Əliyeva, 8-ci sinif şagirdi Nazlı Əlizadə, 5-cı sinif şagirdləri Kənan Nuriyev, Nurlan Abbasov, Zəhra Kərimova, 7-ci sinif şagirdi Gülnar Məmmədova və başqaları qəhrəmanlıq haqqında şeirlər səsləndirdilər. Tədbirin sonunda uşaqlar “Qələbə-67” kitab sərgisinə baxdılar.



AĞSU DÜNƏNDƏN SABAHA

Cəmilə Elsevər." AĞSU DÜNƏNDƏN SABAHA" kitabını oxu
Cəmilə Elsevərin “Ağsu: Dünəndən sabaha” adlı qələm təcrübəsi bioqrafik, biblioqrafik və toponomik əsərdir. Müəllif oxucuya Ağsu, onun qədim və müasir tarixi, əhalisi, görkəmli simaları barədə ensiklopedik xarakterli məlumat verməklə yanaşı Ağsunun ayrı-ayrı yaşayış məntəqələrinin yaxın və uzaq keçmişinə səyahət etmək, rayonun ayrı-ayrı sahələrinin inkişafı
istiqamətində görülmüş işlərlə tanış olmaq fürsəti yaradıb.







 
Design by E | A Aghsu - Web dizayn | E-A, Aghsu